Kar riat chawl tur De Jong

Newcastle United striker Siem de Jong chu chuap lam ṭhalo vangin kar riat chhung a chawlh a ngai dawn.

Kum 26-a upa De jong hi kum 2013 khan chuap ṭhalo vang thoin a lo buai tawh a, tunah a natna ngai bawk hian a rawn tibuai leh ta a ni.

Dutch striker De Jong chuan, "Hliam vanga rei tak ka chawlh hnuin ka inkhel leh thei ṭep tawh a, he natna in min tibuai leh ta mai hi hrehawm ka ti takzet a ni. Hlawhtling taka min zai ka beisei a, he natna in min tihbuai tawh loh hi ka duh a ni. Hun khirh tak ka tawng mek a, fans, club leh ka khelhpui te lakah rei tak ka inkhelh theih tawh loh avangin pawi ka ti a; chak tak leh ṭha taka ka lo kir thuai ka beisei. Min ngaihtuahna avangin in zavai chungah ka lawm hle a ni," tiin a sawi.

Ajax captain hlui De Jong hian season ṭan dawnah Newcastle United hi Dutch champion team aṭang hian pound maktaduai 6 in a zawm a. Mahse, malpui hliam avangin a team thar tan hian ṭum hnih chiah a la khel, a in fit ṭan dawn chiah tihah a natna in a rawn tibuai leh ta a ni.