Michael Clarke a inpeih

Australia cricket captain Michael Clarke chu a tha-na a dam tawh a, Cricket World Cup a tan a inpeih tawh.

Thla hnih zet a inkhelh theih loh hnuah Australia captain hi World Cup warm up match-a UAE a hmachhawn ṭumin a inlan a, kum 33-a upa Clarke hian run 64 a vaw chhuak.

Australia Coach Darren Lehman chuan, "Clarke hi kan hotupa a ni a, a rawn let thei hi kan lawm hle a ni. UAE-nen kan inkhel ṭum pawh khan harsatna nei lovin ṭha takin a khel thei tawh a, World Cup-ah pawh ṭha takin a khel thei ngei ang," tiin a sawi.