I Day Football vangin MPL chawl rih dawn

29th July, 2024

GIG Motors I Day Football Tournament chu July 31, Nilaini aṭangin khelh ṭan a ni dawn a, LZ Juice MPL11 chawlh rih a ni ang. August 22, Ninganiah MPL11 hi khelh chhunzawm leh chauh ni ang.

I Day Football-ah hian MPL club pariatte te an tel vek dawn a, ISL club NorthEast United leh ADFA First Division club Bethelhem Vengthlang te an tel dawn. Team 10-te hi group pahnihah ṭhen ni a, a sang pahnihin semifinal an lut ang.

Group A-ah Bethlehem VT, SYS FC, Chanmari FC, Sihphir Venghlun leh Ramhlun Athletic te an awm a, group B-ah Mizoram Police, Chawnpui FC, Aizawl FC, NorthEast United leh FC Bethlehem te an awm thung.