Gambhir hoin India chak nghal

India cricket team chuan Gautam Gambhir hnuaia an match hmasa berah Sri Lanka chu 43 runs-in an hneh. Men in Blue leh Lions te hian T20 match thum an khel dawn a, nizan khan match hnihna khelin July 30, Thawhlehni hian match tawp ber an khel ang.

Pallekele Interna-tional Cricket Stadium-ah ṭhumvawra vannei Sri Lanka-in vawm hmasak an thlang a, India-in vaw hmasain bul an ṭan ṭha. Opener pahnih Yashavi Jaiswal (40) leh Shubman Gill (34) te chet ṭhat hnuah captain Suryakumar Yadav-a'n half century (58) a siam a, wicket keeper Rishabh Pant-a'n 49 runs a siam ve bawk.

India-in over 20-ah 213/7 runs zet an siam avangin Sri Lanka tan a tam mah mah a, opener Pathum Nissanka (79) leh Kusal Mendis (45) te che ṭha mah se over 19.2-ah 170 runs siamin an thi vek.

Men in Blue captain SKY chu man of the match-a thlan a ni a, T20 inelnaah vawi 16 man of the match a nihna niin Virat Kohli record a nihrual der. Coach Gambhir tan pawh chanchin lawmawm a ni a; player, captain leh coach anga a match hmasa berah a chak vek.