US-ah Chelsea an mualpho

Coach thar Enzo Maresca hnuaia intuaithar tum Chelsea-in beisei an la phak thei lo - US tour an neihah match hnih khel tawhin, an la chak zo lo ve ve! London club hian Inrinni zan khan Brendan Rodgers-a enkawl Celtic chu 4-1 in an ngam lo.

Celtic tan Matt O'Riley, Kyogo Furuhashi, Luis Palma leh Michael Johnston ten goal khat ṭheuh khungin, 4-0 a ni hman. Hun tawp nan minute khat chiah a awm tawh tihah Blues hian Christopher Nkunku-a penalty hmangin si phurh an sut ṭhen ve hram a, an mualpho zualpui tur a hliah khuh - Celtic tan keeper thar Kasper Schmeichel a khel ṭha hle.

Blues hi coach thar Maresca hnuaiah an la chak lo a, Scottish champion laka an mualpho hma hian League One club Wrexham chu 2-2 in an lo inhnehtawkpui tawh. Ningani zing dar 5:00-ah Mexican club ṭha Club America nen friendly match an khel leh ang.