City an che fuh thei lo

USA-a tour nei mek Manchester City an che fuh thei lo - Celtic laka 4-3 a an tlawm hnuin AC Milan chu 3-2 in an ngam lo leh ta. Premier League champion tan Erling Haaland chuan minute 19-na lekah goal hmahruai a khung a, Milan hian Lorenzo Colombo goal hnih hmangin an chhanglet.

City tan James McAtee chuan khung ve leh mah se, Milan tan Marco Nasti chuan chakna goal a khung a, 3-2 in inkhel a tawp. City boss Pep Guardiola chuan, "Celtic nena kan inkhel ai kha chuan kan ṭha leh tawh zawk.

"Hliam nei loin kan khel tluan a, kan inkhel tam sawt a, a lawmawm hle. Tunah chuan kan inkhel leh tur atan kan inbuatsaih ang," a ti a, Nilaini zing dar 4:30-ah Barcelona nen an inkhel leh ang.