Premier league-ah kei aia ṭha an awm lo - Big Sam

West Ham coach Sam Allardyce chuan Premier League-ah amah aia manager ṭha bik an awma a hriat loh thu a sawi.

A pa len vanga 'Big Sam' tih hming an vuahsak West Ham boss chuan, "Kei aia tawnhriat ngah zawk manager hi Premier League-ah hian an tam lo a ni. Coach dangte ka hnuaichhiah tumna ni lo se, kei aia Premier League a manager ni rei awmchhun chu Arsene Wenger chiah a ni," a ti.

Kum 60 a upa Big Sam chuan sawi chhun­zawmin, "Louis van Gaal leh Ronald Koeman te hian hmun dangah tawnhriat tam tak lo nei tawh mah se Premier League a an tawnhriat erawh a la tlem hle. Heta ṭanga teh hi chuan kei hi manager ṭha dang tam tak ang bawka manager ṭha tak niin ka inhria," a ti.

Big Sam hian season hmasa khan West Ham a chet chhiatpui vangin a hna chawlhsan mai tur anga sawi ni mah se tun season-ah erawh London club hi pariatna a nih pui mek a, a dinhmun a him ṭha hle.