NECS CUP 2015

13th February, 2015

Aizawl District Football Association (ADFA)-in NECS Cup Inter Village Football Tournament 2015 chu Aizawl District tan a buatsaih dawn a. February 16, Thawhṭanni thleng entry fee pek theih a ni.

HRIATTIRNA PAWIMAWHTE

1. Entry Fee hi team khat zelah Rs.500 pek tur a ni.

2. Entry Fee pekna hmun

a) I Sports Bawngkawn

b) LR Computer MG Road Upper Khatla

c) Carz Spa Car Servicing Centre Millennium Centre

3. Squad 20+4

4. Entry Fee hi February 16, Thawhṭanni thleng pek theih a ni.

5. February 20, Zirtawpni aṭangin Entry Fee peknaah Fixture lam tur a ni.

6. NECS CUP 2015-ah hian Veng/Khua pakhat atangin Team khat zel tel theih a ni ang.

7. Player dik lo chungchanga complain tur nei chuan an inkhelh ṭan hmain an complain ngei tur a ni a, inkhelh ṭan a nih chuan Complain theih a ni tawh lo ang.

8. Complain awm lo pawh nise, Official lamin player dik lo an hmuchhuak a nih chuan eng hunah pawh (inkhelh lai pawh nise), player chu disqualified a ni ang a, thlak theih a ni tawh lo ang.

9. Thubuai hla buai a awm a nih chuan Organising Board-in a ngaihtuah ang a, thutawp pawh a siam ang.

10. Hriat chian duh nei tan

Vanlalrawna Org Chairman Ph 9436197569

RK Rozidinga Org Secy Ph 9436142304

Lalbiakhlua Jt Secy ADFA Ph 9612332318

PLAYERS PAWM THEIHTE

1. NECS CUP 2015 a khel tur Player te chu an Permanent Home Address(Khua/Veng) tan chauh an khel thei ang. Player tupawh an Permanent Home Address(Veng/Khua) an tel dawn lo a nih chuan an chen mekna (Present Home Address/Temporary) Veng/Khua tan an khel thei ang.

2. Permanent Home Address leh Present Home Address atan hian AIFF/MFA/DFA/Zone FA Registration a an inziah luh dan chauh pawm a ni ang.

3. Player tupawh AIFF/MFA/DFA/Zone FA a Registration nei lo te chu Voter's I.D/EPIC a an Address tarlan Veng/Khua tan chauh an khel thei ang.

4. Player tupawh Voter's I.D/EPIC la nei pha lo a naupang an nih chuan an Birth Certificate chu a ṭul huna en theih turin an inring reng tur a ni.

5. Kum tling tawh chin chu I.D/EPIC nei vek tura ngaih an ni a, a ṭul huna en theih turin an in ring reng tur a ni.