Aston Villa-in Lambert an bân

Aston Villa chuan result neih ṭha tloh avangin manager Paul Lambert chu a hna aṭangin an ban.

Villa hian Thawhlehni zan khan Hull City 2-0 in an hneh lo a, league-ah game 10 chhung chak hmel an hmu tawh lo.

Aston Villa Chief executive Tom Fox chuan, "Kan beisei angin thil a kal lo a, club tan a ṭha tur a kan rin leh fan-te duhdanin he thutlukna hi kan siam ta a ni," tiin a sawi.

Kum 45-a upa Lambert hian September 2012 aṭangin Villa hi a enkawl ṭan a, June 2018 thleng contract nei mah se result ṭha an neih theih loh avangin Nilaini khan a hna aṭangin an chawlh tir ta a ni. Manager thar an lak hma chu first team coach Scott Marshall leh goalkeeping coach Andy Marshall te'n Villa hi an enkawl rih ang.

Season kal mekah Aston Villa hi an che che hle a, tunah hian game 25 khelh tawhah point 22 chauh an la hlawhchhuak.

Tun season-ah goal 12 chauh an la khung a, an club history-a goal an la khung tlem ber ṭum a ni.