Gerrard-a malpui hliam an enfiah

Liverpool-in Anfield-a Tottenham Hotspur 3-2 a an hneh ṭumin captain Steven Gerrard chu a inhliam a, nimin khan enfiah a ni a, a dinhmun tak a la chiang lo.

Liverpool assistant manager Colin Pascoe chuan, "Spurs nena kan inkhelh tawp lam khan a malpui a ti na a, a din-hmun hre turin a malpui hi kan scan tawh a, result kan nghak mek a ni," tiin a sawi.

Pascoe chuan Spurs hmachhawn thei lo Raheem Sterling pawh uluk taka enkawl mek a nih thu a sawi a, kartawpa Crystal Palace nen FA Cup fifth round an khelh hunah a inlan hman a beisei.

Gerrard chawlh hun tur hi thuchiang la awm lo mah se report ṭhenkhatah chuan kar thum chhung a chawl dawn niin an tarlang.