Laureus Award-ah Ronaldo leh Djokovic

April 15 hian Shanghai-ah Laureus World Sport Awards semchhuah a ni dawn.

Athlete of the Year award dawng tura hming chhawpchhuah te chu Real Madrid forward Cristiano Ronaldo, Australian Open 2015 champion Novak Djokovic, Formula 1 champion Lewis Hamilton, Golfer Rory Mcllroy, MotoGP star Marc Marquez leh French pole vaulter Renaud Lavillenie te an ni.

Ronaldo teammate James Rodriguez chu 'Newcomer of the Year' dawng thei tura chhawpchhuah a ni a, ani bakah hian 2014 World Cup-a Germany champion theihna goal khungtu Mario Gotze, US Open 2014 champion Marin Cilic, Formula 1 driver Daniel Ricciardo leh Switzerland's Davis Cup team te chu chhawp chhuah an ni.

Comeback of the Year dawng turin Argentina leh Inter Milan striker hlui Diego Milito chu a langsar pawl a ni. Ani hi khup hliam vanga rei tak a chawlh hnuin a club khelh mekna Racing Club tan inlan leh tawhin a dam hnuah a club thar tan a che ṭha thei hle a, hei hi chhawpchhuah a nih chhan a ni.

Milito bakah hian Italy Serie A club Sassulo defender Francesco Acerbi chu chhawpchhuah a ni bawk. He Italain defender hi cander natna vanga vawi hnih lai a buai hnuin ṭha takin a inkhel leh thei tawh a ni.