Tu mahin England an hlau lo - Shearer

England manager Roy Hodgson-a'n Euro 2016-ah eng team mah hmachhawn a huphurh loh thu a sawi a, England legend Alan Shearer chuan eng team mahin Eng-land chu an huphurh a rin loh thu a sawi ve thung!

Kum 45-a upa Shearer chuan, "Euro 2016 group stage-ah match thum kan khel a, tun tournament-a team chhe ber Russia inhnehtawkpuiin Wales lakah kan chak hram a, Slovakia lakah goal kan khung lo bawk," a ti.

England tan vawi 63 inlana goal 30 khungtu stri-ker chuan, "Roy Hodgson hian starting XI-a luhtir tur a player ṭha ber a hre thei lo a, player remkhawm dan
ṭha ber pawh a hre lo a, chu chu kan buaina a ni. Eng team pawh hmachhawn dawn ila hma kan sawn a ngai a ni," tiin Iceland nena last 16 khel tur an ram team chuan hmasawn an mamawh thu a sawi.