Barca-in Neymar hralh an ngaihtuah lo

Barcelona financial vice-president Susana Monje chuan tun hnaia chhuak tur anga sawi thawm awm reng Neymar chu chhuahtir tuma an la ngaihtuah chhin ngai loh thu a sawi.

Kum 24-a upa forward hian June 2018 thleng Barcelona-ah hian contract a nei a, contract thar zawrh mek niin Brazil captain hian Nou Camp-ah cham chhunzawm a tum lo nia sawi thawm a ri ring hle.

Neymar duhtu club zingah sum lama buai lo Paris St-Germain chu thawm nei ring ber an ni a, French club hausa hian Neymar-a man zat pound maktaduai 154 bakah Barcelona-a a hlawh let hlawhtir an inhuam nia sawi a ni.

Mahse, Susana Monje chuan, "Neymar chan hi kan la ngaihtuah ngai lo a, hralh duh--na thinlung hi put pawh kan la pu ngai lo," tiin sum tam vang ringawta an player chu chhuahtir an tum loh thu a sawi.

Neymar hian season hman zawh takah khan club tan inelna hrang hrangah match 49 khelin goal 31 a khung a, June 2013 khan Brazilian club Santos
aṭangin pound maktaduai 48.6-in Barcelona hi a zawm a ni.