Phelps-a'n Olympic a beisei

Olympic tui hleuh inelna chanchin an sawi apianga hming lam rik hmasak berte zinga mi Michael Phelps chuan United States aiawh turin Rio Olympic-ah inlan leh ngei a tum a, June 26-July 3 chhung hian Omaha-ah ram aiawh tur zawnna an nei ang.

Olympic medal 22 zet dawng tawhtu Phelps hian 100m, 200m butterfly, 100m, 200m freestyle bakah 200m individual medley-ah te inlan tumin enchhinna a hmachhawn dawn a ni.

Phelps-a elpui Ryan Lochte chuan inelna parukah ngawt inlan a tum dawn a, kum 31-a upa Lochte hian 200m, 400m, 100m, 200m freestyle, 200m backstroke leh 100m butterfly-ah te en-chhinna a nei thung ang.

Kum 30-a upa Ameri-can competition swimmer Phelps hi Olympic chan-china infiammi hlawhtling ber ang hial a ngaih a ni a, medal a lak tawh 22 zinga 18 zet chu gold medal a ni.