Curry zai a ngai dawn lo

2016 NBA Final-ah chak lo mah se Golden State Warriors fan-ten chanchin lawmawm an nei. NBA Most valuable Player ni lai Stephen Curry chu zai a ngai dawn loh thu Warriors general manager Bob Myers-a'n a sawi.

Point guard Curry hian ṭha takin regular season hmang zo mah se playoff-ah erawh a khel ṭha lo a, a khelh ṭhat loh chhan hi eng dang vang ni loin a ke rek, a kiu leh khupah te hliam a neih vang a ni.

Kum 2010 leh 2011 te khan Curry hi hliam vangin a lo buai tawh a, tuna hliam neuh neuh a nei leh hi basketball ngai-natute chuan tun hma anga a buai leh phah an hlau hle.

June thla khan Ame-rican star hian Rio Olym-pic a US aiawh tura a inlan loh tur thu a lo sawi tawh a, season thara ṭha zawka a inkhelh chunzawm theih nan inenkawl a duh a ni.