West Warrior thar Danmawia

MPL club Chanmari West FC-in season thara an club enkawl turin coach tawnhriat nei ṭha HC Zarzoliana an la lut a, ZoFooty coach of the year ṭum hnih dawngtu coach hi player ṭhain an zui avangin West Warrior hian season tharah champion nomawi an melh tawh ang.

MPL1 best player R. Laldanmawia chuan Chan-mari West FC a zawm a, Danmawia bak-ah hian season liam taa Chanmari FC tana khel forward Ramengmawia, Aizawl FC winger Lal-dampuia leh Dinthar FC captain Lalmuansanga leh Police Academy aṭanga inzir chhuak defen-der R. Lalawmpuia (Mapuia) ten an pu hlui Zara hnung an zui vek bawk.

Chanmari West FC-in an goalkeeper Lal-ruatpuia an chelh thei a, College Veng keeper elpui tur hian Aizawl FC aṭangin Lalmalsawma an la lut tawh bawk a, MPL champion lai aṭang hian defender Toky Zomuanpuia chu an la chhuak ngei dawn niin a lang bawk.

West Warrior hian an player pawi-mawh de-fender C. Ram-din-mawia, winger Lalbiak-hlua leh mdifielder Lal-lawmsanga te an chelh bawk avangin MPL club lian dang el turin an player-te an zahpuiawm loh hle.

Chanmari West FC hruaitu zinga mi Lal-lian-sanga (Malala) chuan, "Transfer kan hman dan-ah kan lawm hle a ni. Chan kan inbeisei miah loh player-te kan lakluh avangin kan champion ngei ngei ang ti ngam lo mah ila champion thei player chu kan kawl a ni," tiin Vanglaini palai a hrilh.