City-in Nolito lakluh an duh

Manchester City chuan Euro 2016 khela Spain tana thang mek striker Nolito chu lakluh an duh tih an ti chiang a, Celta Vigo striker hi a contract neih laiah pound mak-taduai 13.8-a lei theih a nih thu inziakin City chuan heti zat sum hi kum 29-a upa striker tan hian insen an pawi ti lo.

Spain tan vawi 12 inlana goal nga khung tawhtu striker hian Euro 2016 khelh meka Spain match pathumah inkhel bul a la ṭan kim vek a, Turkey laka 3-0 a an chak ṭumin goal khat a khung ve bawk.

Barcelona tan pawha lo khel tawh striker hi a club hlui pawh hian laklet an duh nia sawi a ni a, Catalan club-a a cham laia a match hmasa ber khelhtirtu chu City manager Pep Guardiola a ni.

Mahse, Nolito hian Nou Camp-ah hmun a chan theih loh avangin Benfica lamah a kal a, Portuguese club aṭanga Granada chu loan-a a pan hnuah Celta Vigo hi kum 2013 khan a zawm.

Manchester City hian Borussia Dort-mund aṭangin Ilkay Gundogan chu pound maktaduai 20-in an la lut tawh a, Guardiola hnuaiah an player duhzawng melhin an che ṭan mek.