Morocco-in CAF hremna an pawm lo

Morocco chuan Africa khawmualpuia football thuneitu sang ber Confederation Africaine de Football (CAF) hremna chu an pawm loh thu an sawi.

Morocco hi African Cup thlen duh loh vangin AFCON tournament-ah vawihnih tel thei lo tura hrem an ni a, dollar maktaduai khat chawi tir an ni a; AFCON inbuatsaihna an tihbuai avangin euro maktaduai 8 chawi tura hrem an ni bawk.

Federation Royale Marocaine de Football (FRMF) thuchhuak chuan, "CAF thutlukna hi Africa Football ṭhan zelna tura thil pawi thlen thei a nih avangin keini lam chuan pawm harsa kan ti a ni," tiin thuchhuah an siam a, pawisa chawi an tum lo.

Morocco hian AFCON thleng tura an inpuahchah hnuah Ebola virus hlauh vangin an inhnukdawk a, chawpchilh takin Equatorial Guinea lamin an thlen phah. CAF chuan Morocco chet dan hi an hrethiam thei lo a ni.