England tan Harry Kane

Roy Hodgson chuan thla thara England-in Lithuania leh Italy an hmachhawn hunah Tottenham Hotspur striker Harry Kane a koh tur thu a sawi.

England manager Hodgson chuan, "Harry hian centre forward-in a neih tur ang a nei vek a, squad a telh hi a phu a ni. Wayne Rooney, Danny Welbeck leh Daniel Sturridge te bula awm tlak a ni em tih hi kan hriat a ṭul a, chumi tur chuan hun ṭha kan pek a ngai. Kum 21 chauha upa ni chunga club lian Tottenham player pawimawh a ni thei a nih chuan a ṭha thawkhat hle tihna a ni," tiin Spurs forward hi a fak.

Tottenham striker Kane hian tun season-ah Spurs tan inelna hrang hrangah vawi 35 a khel tawh a, goal 23 a khung tawh bawk. England hian March 27-ah Lithuania nen European Championship Qualifier an khel ang a, March 31-ah Italy nen friendly match an khel leh ang.