Atletico-ah Griezmann rinawm

Atletico Madrid for-ward Antoine Griezmann chuan Champions League finalist tan con-tract thar a ziak a, kum 2021 thleng La Liga club tan hian a khelh chhunzawm dawn tihna a ni.

Kum 25-a upa Griez-mann hi tunah chuan European Championship 2016 khelin France-ah a awm mek a, Albania 2-0 a an hneh ṭumin Les Bleus tan goal khat a khung.

France international hian season hmasa khan Spa-nish club Atletico Ma-drid tan inelna hrang hrangah match 54 a khelh aṭangin goal 32 a khung a, European club lian
ṭhen-khat chuan an hmu tai hle. Premier League club lian Manchester United leh Chelsea te pawhin an ngaihven nia sawi a ni.

Griezmann chuan club website-ah, "He club chhungkaw zinga ka tel chhunzawm tur leh hma-thlir thui tak kan nei hian mi ti lawm. Kum tinin hma-sawn zel ka duh a, club chhunga mite a bik takin coach leh ka player puite hi hma ka sawn theih nana mi pawimawh an ni," tiin a sawi.

Kar hmasa khan Atle-tico hian Benfica striker Nicolas Gaitan lalut turin inremna an lo siam tawh a, Croatia international defender Sime Vrsaljko chu Vicente Calderon-ah seng luh ngei an tum thu club president Enrique Ce-rezo chuan a sawi bawk.