Real khelmualah Deportivo

Zanin dar 10:30 hian La Liga hmahruai mektu Real Madrid khel turin Santiago Bernabeu-ah Deportivo La Coruna an leng lut dawn. Madrid derby-a mualpho Real tan chet sual a thiang tawh lo.

Deportivo hian point 24 an hmu tawh a, relega­tion zone-a awm Levante nen point nga chiahin an inthlau. Season thara La Liga khel zel turin point hlawhchhuah a pawimawh.

Pepe a kir

Real Madrid defender kum 31-a upa Pepe chu thana vanga thlakhat dawn a chawlh hnuah training ṭha takin a zawm leh thei tawh. Zanin hian a inlan theih beisei a ni.

Atletico Madrid laka 4-0 a an chak loh ṭumin Real Madrid-in Pepe bakah Sergio Ramos leh Marcelo te an chhawr thei lo a, an mualpho.

Tun ṭumah hian Pepe a khel thei a nih pawhin Portuguese defender Fabio Coentrao erawh training-naa a inhliam vangin a inlan thei lo ang.

Real hian inhliam an nei nual. Coentrao bakah 2014 FIFA World Cup top scorer James Rodriguez, German international midfielder Sami Khedira, defender Sergio Ramos leh Tottenham aṭanga an lakluh midfielder Luka Modric te chu inhliam vangin an chhawr thei dawn lo.

Deportivo hian defen­der ṭha pahnih Pablo Insua leh Sidnei te bakah an midfielder Diogo Salomao te an chhawr thei bik lo ang.