Murray leh Lendl vangin Britain-in beisei an nei sang

World number 2 Andy Murray leh a coach hlui Ivan Lendl te an thawk dun leh tawh a, tennis ngaina ram Britain chuan Grand Slam champion hmuh leh ngei beiseina an neihsan phah hle.

Lendl-a kaihhruaina hnuaiah kum 2012 leh 2014 inkar khan Murray chuan a vanglai hmangin Wimbledon leh US Open bakah Olympic-ah a champion a, hemi hnu hian major tournament-ah a la hlawhtling leh lo.

Andy Murray-a nu Judy Murray, Great Britain Fed Cup captain pawh lo ni tawh chuan, "Tlin lohna leh ṭhat tawk lohna lai nei vek mah ila mi zawng zawmng hian ṭhat bikna lai kan nei vek. Andy leh Ivan te an thawk dun leh thei hi a lawmawm a, hlawhltinna hmuh leh ngei pawh kan beisei," tiin a sawi.

Grand slawm vawi sarih champion tawh John McEnroe pawhin beiseina an neih thu sawiin, "Rome-ah khan Andy hian Novak Djokovic a hneh a, kha khan a theihna a pholang. Ka ngaihdan chuan kumin hi Murray tana Wimbledon champion nih theihna hun ṭha a ni a, grass court-ah chuan player hlauhawm ber pawl a ni," tiin a sawi ve bawk.