Bayern Munich Vrs Hamburg

Zanin dar 8 hian Allianz Arena-ah Bayern Munich leh Hamburg an in hmachhawn dawn. Bayern hian point 49 hmu tawhin anmahni hnaih bertu Wolfsburg nen point riatin an inthlau a, Hamburg nen an inkarah point 26 a awm thung.

Pep Guardiola enkawlna hnuaiah Bayern Munich hi an khel ṭha tluang hle. Amaherawhchu kumin kumtirah erawh an talbuai ve hle, Wolfsburg lakah 4-1 a an tlawm hnuah Schalke nen 1-1 nen an inhnehtawk leh bawk. An game hnuhnung berah erawh Stuttgart 2-0 in an hneh thung.

Josef Zinnbauer enkawl Ham­burg hi tunlai hian an khel ṭha ve hle a, an game hnu­hnung pa­hnihah an chak ve ve a ni. Inrin­tawkna nen Bayern hi an hmachhawn theih ngei a rinawm.

Bayern tan midfielder Franck Ribery leh defender Rafinha te an fit tawh a, Inrinni zan hian an khel thei tawh tura ngaih a ni. Anni pahnih hian Thawhṭanni aṭang khan training an zawm leh thei tawh a ni. Amaherawhchu, captainn Philipp Lahm, Jerome Boateng leh Thiago Alcantara te chu inhliam vangin an la chhawr thei dawn lo.

Hamburg hi inhliam vangin an buai hle a, an player pawimawh pariat ngawt an chhawr theih loh avangin coach Zinnbauer tan chuan a hrilhhai thlak khawp ang.