Fan-te thungrûlh ka duh - Blaszczykowski

Borussia Dortmund winger Jakub Blaszczykowski chuan club-in hun harsa an tawn laia supporter-te dawhtheihna avangin lawmthu a sawi a, result hmanga thungrûlh a duh thu a sawi.

Poland international Blaszczykowski chuan, "Kan ṭawng tam tawk tawh, field chhungah kan theihna kan lantir a ngai. Tun dinhmunah chuan kan theihna angin kan khel chhuak lo a ni," tiin a sawi.

Dortmund hian kartawp khan Freiburg 3-0 in an hneh a, relegation zone chhuahsanin table-ah 16-naah an awm. Dortmund hian December 6-a Hoffenheim an hneh hnuah hun harsa tak an tawng. Champions League-ah Anderlecht an draw a; Bundesliga-ah Hertha Berlin, Werder Bremen leh Augsburg te an hneh lo a, Wolfsburg leh Bayer Leverkusen an draw bawk.

Blaszczykowski chuan, "Kan khelh dan hmangah kan chian a ngai a, thawhrimna nen kan theihna tak tak hi kan phochhuak leh thei ang. Kan fan-te dinhmun ka hrethiam a, tun hnaiah lawmna tur kan pe lo. Chuti chunga min ṭawiawmna zawng zawngah anni aia ṭha khawvel hmun dangah an awmin ka hre lo. Ṭha taka min ṭawiawmna hi result hmangin kan thungrûl ang," tiin a sawi.

Dortmund hian nizan khan Mainz an hmachhawn a, Mainz hi Dortmund boss Jurgen Klopp-a club hlui an ni.