Tottenham midfielder thar Wanyama

Premier League pa-thumna Tottenham Hot-spurs chuan Sou-thamp-ton aṭangin Victor Wanyama an la lut. Spurs hian kum 24-a upa midfielder manah hian pound maktaduai 11 sengin season nga White Hart Lane-a cham turin contract an ziahpui.

Kenya captain hian kum 2013 khan Celtic aṭangin Saints hi pound maktaduai 12.5-in a zawm a, St. Mary's a a cham chhungin league match 85-a inlanah goal li a khung sak. Season hmasa khan Spurs zawm tumin Southampton hi chhuahsan lo tum tawh mah se kum khat dang cham lehin Premier League-ah parukna dinhmun a luahpui thei a ni.

Southampton-a a manager hlui Mauricio Pochettino nena inhrawn leh tur Wanyama chuan, "Premier League-a Kenyan player inlan hmasa ber ni thei tura hun ṭha min petu Southampton chungah lawmthu ka sawi a, he club hi ka thinlungah a cham reng tawh ang," tiin a club hlui chu a mangṭha.