Inzaghi chhantu El Shaarawy

AC Milan forward Stephan El Shaarawy chuan an manager Filippo Inzaghi chungah an team-in rinna an nghah tlat thu a sawi.

Italian forward El Shaarawy chuan, "Keimahni ang thoin kan manager hian a theihna zawng zawng he club tan hian a pe a, amahah hian kan rinna kan nghat tlat a ni. Coach ṭha tak leh thawhpui nuam tak a ni a, Inzaghi lamah hian team pumpui kan ṭang vek a ni. Tunah hian hun khirh tak kan tawng mek a, tun hi team anga ṭanrual hun pawimawh a ni," tiin a sawi.

Milan hian Serie A match 22 an khelh tawhah point 29 an hmuin table-ah 11-naah an awm mek a. Pathianni zan dar 7:00 hian Empoli nen an inkhel ang.