Wimbledon khel lo tur Azarenka

Grand Slam vawi hnih champion tawh Victoria Azarenka chu a khup na avangin June 27 aṭanga July 10 chhunga khel tur Wimbledon-ah a hmel kan hmu thei dawn lo.

Kum 26-a upa Azarenka hi hmeichhe single player beisei awm pawl niin tun ṭumah hian seeded parukna a ni phak a, tun hmain Wimbledon-ah hian semifinal ṭum hnih a lo lut tawh bawk.

Belarusian star Aza-renka hi French Open khelh zawh takah khan first round-ah hliam vangin a lo inhnukdawk tawh a, grass court tour-nament-ah hian inlan ngei tum mah se hun tep ter tawh takah a inhnuhdawh a ngai leh ta a ni.

Australian Open vawi hnih champion tawh Azarenka hliam hi Belarus tan channa nasa tak a ni thei. August thla hian Brazil khawpui Rio-ah Olympic neih a ni tawh dawn a, he huna an hmeichhe tennis player langsar tura ngaih a ni.

London 2012 Olym-pic-ah khan Azarenka hian an ram tan hmeichhe single-ah bronze medal lain mixed double-ah gold a dawng bawk a ni.