QPR-in Ramsey an ringtawk

Queen Park Rangers thuchhuak chuan an manager lailawk Chris Ramsey chu season tawp thlenga an hman chhunzawm tur thu a sawi.

QPR chairman Tony Fernandes chuan Thawhlehni khan 'duhthusam manager' hmu tawh angin a insawi a, Ramsey a sawina a ni em tih erawh a chiang lo thung.

England U20 manager hlui Ramsey hian kum 10 chhung Tottenham Academy hotu a nih hnuah QPR coaching staff a zawm a, khup nat chhuanlama Harry Redknapp ban takah chuan Ramsey hi a vannei ta a ni.

QPR manager tur hian hming lam rik an tam hle. Tottenham Hotspur manager hlui Tim Sherwood chu biak a ni a, Derby County manager Steve McClaren leh Real Madrid assistant manager Paul Clement te chu sawi lan an ni bawk. Swansea City manager hlui Michael Laudrup chuan QPR enkawl a tum loh thu a lo sawi tawh bawk.