Eden Hazard tan contract thar

Chelsea midfielder Eden Hazard chuan kum nga leh a chanve cham chunzawm turin Chelsea-ah contract a ziak thar. Belgium international hi kum 2020 thleng Stamford Bridge-ah a cham ang.

Hazard hian Lille aṭang­in kum 2012 khan pound maktaduai 32-in Chelsea a zawm a. London club-ah a khelh ṭan tirh aṭangin a che ṭha nghal a, tun season-ah inelna hrang hrangah game 36 khel tawhin goal 13 a khung tawh a. Chelsea tan hian 147 a khel tling tawh a, goal pawh 43 lai a khung tawh bawk.

Hazard chuan, "He hmuna ka rawn kal tirh aṭang khan nuam ka ti nghal em em a, fan-te'n min thlawp ṭhat bawk avangin lawmna siam tu nih ka duh a ni. Maneger ṭha tak kan nei bawk a ani hian kawng tam tak a hma ka sawn theih nan min pui a ni," a ti.

Chelsea manager Jose Mourinho chuan, "Hazard-a'n contract thar a ziak hi ka lawm hle a ni. Khawvela player ṭha berte zinga mi a ni a, a la naupang a, khawvela ṭha ber a la ni thei hial ang," tiin a player chu a fak hle.