United sawiseltu Scholes

Manchester United midfielder hlui Paul Scholes chuan United khelh danin kalphung pangngai an hloh thu a sawi.

West Ham manager Sam Allardyce chuan Man United chu inkhelh banah 'Long ball United' tihin a sawi a, manager Louis van Gaal a insawifiah nasa hle. Dutch manager insawifiahna hi Scholes chuan a pawm lo.

Scholes chuan, "A chang hi chuan United khelh dan hi en hahthlak ka ti ṭhin a, Van Gaal-a hnuaia an khel hi nuam ti taka en a har a ni. Khingpuite hneh tur chuan nawr ngam a ngai a, risk lak ngam a ngai. Tuna United player zingah risk la ngam an tlem hle," tiin a sawisel.

Midfielder ropui Scholes chuan, "Ka inkhelh hun lai khan hma lama ball ka pass loh a, risk ka lak ngam loh chuan bench-ah ka ṭhu ṭhin. Sir Alex Ferguson-a khelh duh dana ka khelh hnuah chauh khelhna hun min pe leh ṭhin. United hi history aṭanga tawha attacking khel ṭhin kan ni a - goal chhuah hun leh chance hlah hun chu kan nei ve bawk," tiin a sawi.

Schloes hian kum 1994 khan United tana a match hmasa ber a khel a, club tan vawi 676 inlanin Premier League title vawi 11 a la.