I League aṬangin Salgaocar & Sporting Goa An inhnukdawk
All India Football Federation duh loh vangin Goan club lian pahnih Salgaocar FC leh Sporting Clube De Goa te chuan I-League 2016-17 season a an inlan loh tur thu nimin khan an tichiang.
India rama football thuneitu sang ber chuan 2017-18 season aṭangin Indian Super League leh I League chu huang khata dah a tum a, AIFF sum hnar Reliance lamin ISL an duhsak avangin I League club te hmalam hun a thim hle.
India rama league sang ber I League kalpui dan fel tawk loh vangin season liam ta khan 2014-15 season-a pathumna Royal Wahingdoh bakah Pune FC leh Bharat FC te chu an lo tel duh tawh lo bawk.
Sporting Goa hi season liam ta khan palina an ni a, Salgaocar erawh pasarihnaah an awm. Goan club pahnih thuchhuah inṭawmah chuan an lungawi loh chhan chiang takin an ziak.
AIFF leh FIFA lamin I League chu India rama inelna sang ber ti reng chung siin 2017-18 season aṭangin Indian Super League chu inelna sang berah dah an tum a, I League club te chu ISL hnuaia awm tura tih niin ISl-ah hian an kai chho thei lo bawk.
He thutlukna hi Goan club hian an hrethiam thei lo a, hun harsa hmachhawn tura kum khat nghah leh kher ai chuan I League season thar aṭanga inhnuhdawh nghal an thlang ta a ni. Amaherawhchu Goan club te hian Goa state chhunga football hmasawnna tura theihtawp an chhuah chhunzawm tur thu an sawi thung.
I League hi 2007-08 season aṭanga khelh ṭan a ni a, state zinga record nei ṭha ber chu Goan club an ni. Dempo SC chu champion ngun ber niin vawi thum an champion tawh a, Churchill Brothers hi vawi hnih champion tawhin Salgaocar vawi khat an champion tawh bawk. Goan club ni lo I League-a champion thei chu Mohun Bagan leh Bengaluru FC chiah an awm.
Churchill Brothers hi 2013-14 season-a an relegate hnuah I League-a kir zai an rel tawh lo a, Dempo SC erawh nikum season awl mah se second division champion-in I League khel turin an rawn kir dawn. AIFF thutluknaah hian club hrang hrang an lawm lo tih chu a chiang a, Goan club ṭhate thutlukna hian nghawng lian tak a neih chhoh ngei rin a ni.
2016-17 season-a I League khel tur club chu pasarih chiah an bang tawh a, chungte chu Bengaluru FC, Dempo, DSK Shivajians, East Bengal, Mohun Bagan, Mumbai FC leh Shillong Lajong te an ni.
All India Football Federation duh loh vangin Goan club lian pahnih Salgaocar FC leh Sporting Clube De Goa te chuan I-League 2016-17 season a an inlan loh tur thu nimin khan an tichiang.
India rama football thuneitu sang ber chuan 2017-18 season aṭangin Indian Super League leh I League chu huang khata dah a tum a, AIFF sum hnar Reliance lamin ISL an duhsak avangin I League club te hmalam hun a thim hle.
India rama league sang ber I League kalpui dan fel tawk loh vangin season liam ta khan 2014-15 season-a pathumna Royal Wahingdoh bakah Pune FC leh Bharat FC te chu an lo tel duh tawh lo bawk.
Sporting Goa hi season liam ta khan palina an ni a, Salgaocar erawh pasarihnaah an awm. Goan club pahnih thuchhuah inṭawmah chuan an lungawi loh chhan chiang takin an ziak.
AIFF leh FIFA lamin I League chu India rama inelna sang ber ti reng chung siin 2017-18 season aṭangin Indian Super League chu inelna sang berah dah an tum a, I League club te chu ISL hnuaia awm tura tih niin ISl-ah hian an kai chho thei lo bawk.
He thutlukna hi Goan club hian an hrethiam thei lo a, hun harsa hmachhawn tura kum khat nghah leh kher ai chuan I League season thar aṭanga inhnuhdawh nghal an thlang ta a ni. Amaherawhchu Goan club te hian Goa state chhunga football hmasawnna tura theihtawp an chhuah chhunzawm tur thu an sawi thung.
I League hi 2007-08 season aṭanga khelh ṭan a ni a, state zinga record nei ṭha ber chu Goan club an ni. Dempo SC chu champion ngun ber niin vawi thum an champion tawh a, Churchill Brothers hi vawi hnih champion tawhin Salgaocar vawi khat an champion tawh bawk. Goan club ni lo I League-a champion thei chu Mohun Bagan leh Bengaluru FC chiah an awm.
Churchill Brothers hi 2013-14 season-a an relegate hnuah I League-a kir zai an rel tawh lo a, Dempo SC erawh nikum season awl mah se second division champion-in I League khel turin an rawn kir dawn. AIFF thutluknaah hian club hrang hrang an lawm lo tih chu a chiang a, Goan club ṭhate thutlukna hian nghawng lian tak a neih chhoh ngei rin a ni.
2016-17 season-a I League khel tur club chu pasarih chiah an bang tawh a, chungte chu Bengaluru FC, Dempo, DSK Shivajians, East Bengal, Mohun Bagan, Mumbai FC leh Shillong Lajong te an ni.