Ticket man a tlahniam lo ang

Premier League-in Sky Sports leh BT Sport nen pound tluklehdingawn 5.136 in contract thar an ziak a, he pawisa ṭhahnem tak nghawng tur hi an inrinsiak luih luih.

Football expert ṭhenkhatin inkhel en man a tlak hniam an beisei a, an ring tel bawk. Amaherawhchu 'Soccernomics' ziaktu professor Stefan Szymanski chuan ticket man a tlak hniam a ring lo.

Szymanski chuan, "TV deal thar avangin mi tam tak chuan inkhel en man a tlak hniam an ring a, a thlen ka ring lo bur. Football club hi sumdawnna a ni a, ticket hi an sum hmuhna a ni. TV deal an siam chhan pawh hi an pawisa duh vang a ni. Hmun ṭhenkhata pawisa an lak luh tam avangin hmun dangah an team tlem phah lo ang," tiin a sawi.

Soccernomics ziaktu chuan sawi chhunzawmin, "TV deal-in nghawng ṭha a neih theih chu ticket man sang thut tur erawh a veng thei thung," a ti.