Olympic khuhhawnna vangin ngaihdam dil

Paris Olympic 2024 khuhhawnna hunah kristian te ngaitheih loh tur thil an lantir a, an thil tih avang hian Paris 2024 thupuangtu Anne Descamps chuan ngaihdam a dil.

Hawnna hunah khan thil chi hrang hrang lantir a ni a, chung zingah chuan kum zabi 15-na laia Leonardo da Vinci-a lemziak 'The Last Supper' tihbawrhbanna lam rawngkai a tel.

Khawvel hmun hrang hranga kristian ten an sawisel nasa, sawiseltu langsar zingah France rama Catholic Church pawh an tel. US company pakhat C Spire chuan Olympic atan sum senga fakna an pekchhuah tur zawng zawng pawh an hnuk kir leh hial a ni.

Paris 2024 thupuangtu Anne Descamps chu, "Thil kha a ṭha leh dik thei ang bera kalpui tum a ni a, tuna mite sawisel pawh hi sakhaw thil tih bawrhban tumna lam a ni lo. Opening ceremony artistic director Thomas Jolly thil tum dan pawh a ni lo.

"Mite huat leh lawm loh zawng a nih chuan ngaihdam kan dil takzet a ni," an ti. Ngaihdam dil ngawt mah se mi tam tak rilru an hliam tawh a, ṭawngkam maia tuamdam lawh ngawt chu thil harsa a ni tawhin a rinawm.