Quarterfinal-ah India nulate an tawp

Indian women’s archery team chuan Paris Oympic quarterfinal an paltlang zo lo, an khingpui Netherlands lakah 6-0 a chak loin an zinkawng a tawp.

India tan hian Ankita Bhakat, Bhajan Kaur leh Deepika Kumari te an inlan a, medal beisei ngam zinga mi ni ve mah se an tum ram an thleng zo ta lo.

Nizan khan mipa team an inlan, India aiawh hian Dhiraj Bommadevara, Tarundeep Rai leh Pravin Jadhav ten quarterfinal an khel a, result erawh kan hre hman lo thung.

India tana Olympic thalkaha tel mipa leh hmeichhe parukte hi team inelna bakah mimal inelnaah an tel vek dawn, vawiin aṭangin mimal inelna hi neih a ni ang.