Ram 29 ten medal la tawh

Paris Olympic hmachhawntu ram 206 zinga 29-ten medal an la tawh a, gold medal pali bakah silver leh bronze medal pahnih ve ve latu China chuan nimin tlai thleng kha chuan hma an hruai mek.

Gold medal lak theih 329 a awm dawn a, inelna hi August 11 thlenga neih tur a nih avangin medal latu ram leh an medal lak zat hi a la pung chho dawn chauh a, chanchinbu i chhiar lai ngei pawhin a lo danglam leh hman tawh ang.

Olympic medal pakhat lek lak pawh a harsa - inelna hnuhnung Tokyo Games-ah khan India chuan medal pasarih a la, gold medal pakhat, silver pahnih leh bronze pali a ni, kuminah bronze medal pakhat la tawhin a dang a la beisei mek zel bawk.