India-in T20 series an la

India chuan T20 match zawna Sri Lanka hnehin series an la. Suryakumar Yadav-a hote hian match hnihnaah DSL method hmangin Lions hi wicket sarihin an hneh.

Pallekele International Cricket Stadium-ah ṭhumvawra vannei India-in vuak hmasak an thlang. Sri Lanka-in over 20-ah 161/9 runs chauh an siam thei a, Kusal Perera-a'n half century (53) siamin danglamna a thlen tam lo.

India bat hun a thleng a, ball thumah run ruk an siam tihin ruahsurin inkhel a tibuai. DLS Method hmangin target siam ṭhat a ni a, India tan chak turin over riatah 78 runs siam a ngai.

Sanju Samson-a'n a hun ṭha neih bawhpelhin run khat pawh siam loin ball hmasa ber a hmachhawnah a thi nghal. Mahse, Yashasvi Jaiswal (30), Suryakumar Yadav (26) leh Hardik Pandya (22*) te khelh ṭhat zarah India-in harsatna an tawk lo.

Over 6.3-ah 81 runs siamin hnehna an chang. Zanin dar 7:00 hian India leh Sri Lanka te hian tun ṭum T20 series match hnuhnung ber an khel dawn. August 2, Zirtawpni aṭangin ODI series match thum an khelh tura hmasa ber an khel ṭan ang.