New Zealand-in Sri Lanka an hneh nghal

ICC World Cup match hmasa ber chu Inrinni khan a thlengtu pakhat zawk New Zealand leh Sri Lanka te'n an khel a, run 98-in New Zealand an chak.

Sri Lanka hi ṭhum vawrah a vannei zawkah an ṭang a, an captain Angelo Mathews chuan vawm hmasak a thlang.

Sri Lanka in an vawm a, New Zealand batsman-te an ngam lo hle. Hagley Oval-a inkhelah hian New Zealand tan Brendon McCullum chuan run 65 vaw chhuakin Corey Anderson chuan run 75 a vawchhuak bawk a, a vaiin over 50 an khelhah run 331 an siam.

Sri Lanka lamin an theihtawp chhuahin hei hi um mahse run 233 bak an tlin lo a,an vaiin an out vek a ni. New Zealand tan bowling lamah pawh Corey Anderson bawk a che ṭha a, run 18 chiah pein mi pahnih a vawm hlum bawk.

New Zealand coach Mike Hesson chuan, "Kan khel ṭha takzetin ka hria. Tuna kan khelh ang a kan khelh reng theih chuan mipuiin keimahni a beiseina an neih pawh a sang tawlh tlawh dawn, chumi tur chuan kan inbuatsaih a ni. Kan group-ah England leh Australia te an la awm a, anni pahnih hi an chak lohna lai kan hria a ni," tiin a cho hle.