Bayern Munich-in Hamburg an sawp

Allianz Arena-ah goal riat a lut a, Bayern Munich khung vek a ni. Kuminah Bayern Munich-in an theihna ang an la pho chhuak lo a, an match hmasa pathumah point li lek an hlawhchhuah bakah goal goal nga lai an chhuah. Amaherawhchu vawi li khelhnaah erawh Bayern-in an ṭhatna an phochhuak a, Hamburg 8-0 in an sawp.

Bayern tan German duo Thomas Muller leh Mario Gotze bakah Arjen Robben te'n goal hnih ṭheuh an khung a, Robert Lewandowski leh Franck Ribery te'n goal khat ve ve an khung bawk.

Inkhel dangah Wolfsburg-in an elpui Bayer Leverkusen chu minute 90-naa Bast Dost-a goal hmangin 5-4 in an hneh hram. Bay Arena-a inkhelah mikhual team Wolfsburg-in Dutch forward Dost-a goal hnih leh Naldo goal hmangin first half-ah 3-0 in hma an hruai. Amaherawhchu second half-ah Heung Min Son-a'n Leverkusen goal hnih khungin 3-2 a ni a, Wolfsburg tan Dost-a'n goal lina khung leh mah se Korean forward Son-a'n hattrick a siam zui a, Karim Bellarabi-a'n minute 72-naah an siphurh sutna goal a khung bawk.

4-4 a nih hnuin team pahnih an inhnehtawk a, injury time-ah Dost-a'n goal lina a khung a, Wolfsburg 5-4 in a chak pui. Bundesliga-a pahnihna ni mek Wolfsburg-in point thum an hlawhchhuah avangin hmahruaitu Bayern nena an inthlauhna chu point riat a ni chhunzawm zel a, Pep Guardiola team-te hian point 52 an hmu tawh a ni.

Inkhel Results

Dortmund 4 - 2 Mainz 05

Bayern Munich 8 - 0 Hamburger SV

Bayer Leverkusen 4 - 5 Wolfsburg

M'gladbach 1 - 0 FC Cologne

Hoffenheim 2 - 1 Stuttgart

Werder Bremen 3 - 2 Augsburg

Frankfurt 1 - 0 Schalke 04