Hmasawn beisei - Marchionne

Ferrari boss Sergio Marchionne chuan F1 season ṭan tur a thlir lawk a, March 15-a Australia a tlan ṭan turah an team chuan thil mak an thlen tir a rin loh thu a sawi rualin hmasawnna erawh hmuh a inbeisei.

Marchionne chuan, "Kan car thar tur hian min ti phur em em a, kum hmasa lama kan car ai khan a ṭhat zawk kan beisei a ni. Test-ah kan tlan ṭha em em a, kan driver-te lakah beiseina kan nei sang bawk," tiin a sawi.

Tun hnai season khan Ferrari hi an che ṭha lo ṭhin hle a, beisei an phak loh bakah team dang an el pha lo ṭhin. Kuminah car thar an neih bakah ṭum li World champion lo ni tawh driver Sebastian Vettel leh world champion lo ni tawh bawk Kimi Raikkonen te an nei a. Anni pahnih hian season thar atana test drive vawi li an neihah ṭum thum ngawt an tlan chak ber a ni.