South Africa an chak

ICC World Cup Pathianni zinga khelhah South Africa-in rinlawk ang ngeiin Zimbabwe an hneh a, Zimbabwe hian khel ṭha hle mah se South Africa tan David Miller leh JP Duminy te an chet ṭhat em avangin run 66 in an chak zo ta chuang lo a ni.

South Africa hian bat hmasain run 339 an siam a, pali chiah an out. Run 64 siamtu Chamu Chibhabha leh run 80 siamtu Hamilton Masakadza te'n Zimbabwe tan theihtawp an chhuah a, result erawh a ti danglam lo.

South Africa tan David Miller leh JP Duminy te'n World record an siam a, wicket ngana partnership zinga run siam hnem ber an ni. Ball 178 an hmachhawnah run 256 an vawchhuak a, Miller bik hian run 138 a vawchhuak a, Duminy-a'n run 115 a vawchhuak ve bawk.