Australia-in England an sawp

Inrinni zing ICC World Cup inkhel hnuhnung zawkah Australia in England an hneh a, England in an khan lo hle.

Australia an bat hmasa a, over 50-ah mi pakua hlauhin run 342 an vawchhuak a, England tan um a huphurhawm hle. England hian over 41.5-ah run 231 an vawchhuak a, James Taylor chuan run 98 lai a siam. Bowling lamah England tan Steven Finn chuan hat-trick a siam a, kum 25-a upa fast bowler Finn hian Brad Haddin, Glenn Maxwell leh Mitchell Johnson te chu a zawnin a vawm out vek a ni.

Amaherawhchu Taylor leh Finn te hi an ṭhiante'n an puih ṭhat tawk loh avangin England an chakpui zo ta chuang lo a ni.

Australia tan Aaron Finch a che ṭha hle a, run 135 vawchhuakin 2015 World Cup a century siam hmasa ber a ni.

Bowling lamah Australia tan kum 23-a upa Mitchell Marsh a che ṭha hle bawk a, run 33 chauh pe in wicket nga a la.

Australia captain George Bailey chuan, "Kan bat hmasa thei kha kan lawm hle a, kan vanneih pui niin kan hria. Mipuiin min beiseina a sang em em a, batting line-up kan neih ṭhat avangin ṭha takin kan khel thei a ni. Aaron Finch kha a hunah tak a rawn che ṭha a, Mitchell Marsh a che ṭha ve lehzel bawk nen, chak kha kan phu a ni," a ti.