Zaninah Preston vs United

Preston North End-in an khelmual Deepdale-ah Manchester United an mikhual dawn. FA Cup fifth round inkhel hnuhnung ber hi zanin dar 1:15-ah khelh a ni dawn a, Star Sports 4-ah live a pekchhuah tur a ni.

United striker Robin van Persie bakah Daley Blind leh Phil Jones te chu Nilaini zana Burnley an hneh ṭuma an inhliam avangin Preston hmachhawn turin an dinhmun a chiang lo. Midfield-a Wayne Rooney kawppui turin Spanish midfielder Ander Herrera a awm rin a ni a, Juan Mata chu tlar hma lama a awm beisei a ni.

Match hnuhnung pahniha an khelh danah Manchester United manager Van Gaal a lungawi lo a, chuvangin football league one club Preston an hmachhawn hunah game ṭha zawk a beisei ang.

Preston manager Simon Grayson-a'n United aṭanga loan hmanga a lak Sam Johnstone a chhawr thei dawn lo a, chuvangin keeper-ah Thorsten Stuckmann a inlan a rinawm. Tlar hma lamah erawh Grayson-a'n thlan tur a ngah a, veteran player Kevin Davies a luh ngei rin a ni.

Preston hian Thawh­lehni zan khan Chesterfield 2-0 in an hneh a, a zawna vawi thum chak tawh Preston hian inrintawkna nen Manchester United hi an mikhual ang.