Villa coach thar Sherwood
Aston Villa chuan an coach thar a tan Tottenham Hotspurs manager hlui Tim Sherwood an ruat. Sherwood hian Villa Park-ah kum thum chhung cham turin contract an ziak a, 2017-18 season thleng Villa hi a enkawl ang.
Villa hian manager Paul Lambert an ban aṭanga darkar 72 a ral hmain coach thar an nei thu an puang a, an coach thar hi vawiin hian Villa Park-ah official-in an tlangzarh ang. Lambert hian kum khatah pount maktaduai hnih vel a hlawh tura ngaih a ni a, a chetṭhat dan a zirin a hlawh hi a la phung thei bawk.
Aston Villa hi tun season-ah an khel ṭha lo hle. Game 25 khelh tawhah goal 12 chauh an la khung a, point 25 chauh hmuin division hnuai zawka tla thei dinhmunah an ding. An team dinhmun a ṭhat loh em avang hian Sherwood-a hna hi a hautak hle dawn a ni.
Villa manager thar chuan, "English Club zinga a ṭha ber pawl ka enkawl thei tur hi ka lawm em em a, ka tan chuan chona thar a ni. Hna hautak tak a ni dawn tih chu ka hre chiang a mah se Villa hi a sang thei ang ber thlenpui ka tum dawn a ni," tiin a sawi.