Maguire a tho chhuak leh ang - Solskjaer

Nipui chawlh laiin Man-chester United captain Harry Maguire-a'n thubuai a nei a, season a ṭan hnuah club tana a mualpho hnuin England tana a feh chhuahnaah red card a hmu. Kum 27 mi Maguire tan tun hi a hun tawna a thim lai ber a ni a, Ole Gunnar Solskjaer-a'n a chhan.

Norwegian manager Solskjaer chuan, "Harry hi pa tuang chhah ṭha tak a ni a, a rawn tho chhuak leh ang," tiin a chhan. Zanin dar 12:30 hian St James Park-ah Man United-in Newcastle an hmachhawn dawn a, Maguire hi inhliam vangin a dinhmun a chiang lo.

Manchester United-in hrem vangin Anthony Martial an chhawr thei dawn lo a, player thar Edison Cavani pawh quarantine vangin chhawr theih a ni lo. Porto aṭanga an lakluh Alex Telles-a'n international break-ah Brazil tan a inlan avangin a chawlh hahdam a rinawm a, Uruguayan winger Facundo Pellistri pawh a inlan a rinawm lo zawk.