Werner-a hun a ni tawh em?

Tun season Premier League match li khelh tawhah Chelsea player thar Timo Werner a la  inlan vek a, goal a la khung lo. RB Leipzig aṭanga London club zawmtu Werner hian ram tan Switzerland nen an inkhelh ṭumin goal ṭha tak a khung a, Chelsea tan a chet ṭhat hi chhunzawm a tum ang.

Werner hian season liam ta khan Leipzig tan Bundesliga match 34-ah goal 28 a khung. Zanin dar 7:30 hian Chelsea-in Southampton an mikhual dawn. Saints boss Ralph Hasenhuttl chuan, "Player ṭhahnem tak ka enkawl tawh a, Werner hi chu a che rang ber zinga mi a ni a, ven a harsa. Hma a sawn zel a, chutihrualin Chelsea tana a bul ṭan danah chuan a lawm lo ang," tiin Leipzig-a a pu hluiin a fak.