A chung berah Barty

Hmeichhe tennis thuneitu sang Women's Tennis Association chuan tun hnaiah ranking thar a ti chhuak a, tournament lian pahniha inlan lo Ashleigh Barty chu a chung berah a la awm chhunzawm.

Australian star hian coronavirus hlauh vangin US Open leh French Open a khel lo, mahse point 8,717 a la neih chu midangin an khum phak chuang lo. A hnuaiah hian Simona Halep (7,255 points) leh Naomi Osaka (5,780) te an awm.

Hri leng vangin tennis inelna awm thei lo rei hle a, an chawlh chhung hian an ranking chhiar a ni lo - an dinhmun chelh rei zawng pawh chhut a ni lo. Inelna an neih leh hnuah an point hmuh sa aṭanga chhut chhunzawm chauh a ni.

French Open cham-pion hlim Iga Swiatek chuan nasa takin hma a sawn, Paris khawpui a pan hma a number 54 khan a hma a player awm 37 ngawt khumin 17-na dinhmun a luah, tennis a khelh hun chhunga a tawn san ber ṭum a ni hial.