Fitness hmachhuantu Serpents
Zarkawt khawtlangin MSL-ah team pahnih an thawh thei a, pakhat zawk chu MBBA 1st Division tournament hnuhnung bera pahnihna ni thei Zarkawt Serpents an ni.
Zarkawt Serpents hian zing tin leh tlai tin practice an nei a, player-te an in fit ṭha bawk. Fitness chu an hmachhuan ber a nih tur thu Zarkawt Serpents president TB Lalsiamliana chuan Vanglaini palai a hrilh.
Serpents president Masiama chuan, "Kan practice dan leh tuna kan dinhmun te kan en hi chuan champion kan inring khawp mai. 1st division tournamant hnuhnung berah khan TBL pha loin champion lo mah ila, kan inthlauhna kha a tam lo. Khatih lai ai khan tunah kan ṭha tawh zawk. Player han ṭha filawr bik em em nei lo mahila, kan inkhairual a, hei tak hi kan chakna tur a ni," a ti.
Zarkawt khawtlang an phur a, vengchhung titi ber chu MSL a ni. Hei vang hian an inkhelh hunah ṭawiawmtu an neih ṭhat a rin thu Zarkawt Serpents president chuan a sawi bawk.
Zarkawt Serpents hi TL Filling station, Mamit chuan an sponsor a, anni hi main sponsor an ni. Colours, Zarkawt chu co-sponsor an ni bawk. Zarkawt Serpents hi an jersey number leh hmingte RD impression, Zarkawt chuan an chhut sak a, Rags to Riches, Zarkawt te'n jersey an ṭhui sak bawk. An chungah club hruaitute an lawm hle.