Tuikual South an inpeih

MSL Playoff champion Tuikual South Baskteball Club hian Mizoram Super League khel turin an khingpui zawng zawng hneh vek.

Zarkawt Recreation Center-ah Tuikual South-in an thiamna an pho lang tawh a. MSL atan zingah ngawrh takin an practice a, Pathianni zing tih loh chu an awl ngai lo. Zan lamah court an chan remchan dan a zirin an practice tel bawk.

Tuikual South-ah C. Malsawmkima, Vanchuangpuia leh Lalrohlua te hian en bik an hlawh leh ang, anni hi playoff-a player pawimawh an ni. An pathum hi team chakpui thei khawpa player ṭha vek an ni.

An captain F. Zodinthara hi Mizoram basketball-ah a mikhual lo a, a ṭhatzia kan hmu tawh ṭhin. MSL-ah pawh hian Tuikual South innghahna ber a ni lehin a rinawm a, a naute a rawn kaihruai tur hi hmuh a chakawm tawh hle.

Tuikual South forward Dina chuan, "Han huphurh bik em em kan nei hran lo. Theihtawp chhuahin kan bei ang a, a hniam ber chu kan ni bik lo ang. Champion sawi nan chuan a la hma hret a, tuna kan tih theih awmchhun chu theihtawp chhuaha hmalam pan zel hi a ni, " tiin fimkhur takin a ṭawng.

Playoff aṭang tawha fans nei ṭha Tuikual South hian fans an rawn nei ṭha leh khawp ang.