ISL nomawi chawi turin JFC ka pui thei - Alex

Jamshedpur FC midfielder thar  Alex Monteiro de Lima chuan, Indian Super League nomawi chawi turin a club chu a puih theih a beisei thu a sawi a, Indian football-ah nomawi chawi ngei a tum. 

Kum 31 mi midfielder chuan, "Jamshedpur FC nen hian inanna tak kan nei a, chu chu kan la champion lo ve ve hi a ni. Tun hi champion nomawi chawina hun remchang tak a ni. 

"Owen Coyle tan hian Houston-ah ka lo khel tawh a, ani nena kan thawk dun thei tur hi ka lawm takzet a ni," tiin a sawi - Major League Soccer club Houston Dynamo a a khelh laiin Coyle nen hian an inhrawn hman. 

Season hmasaah khan Vietnamese club Ho Chi Minh City FC tan a khel a, South Korean second division club Suwon FC leh FC Anyang tan a lo khelh tawh bawk avangin Asian football-ah a mikhual lo. 

Jamshedpur FC hian Mizo defender Laldin-liana Renthlei leh Ricky Lallawmawma chu an lalut thar a, Aizawl FC aṭanga striker William Lalnunfela lalutin Isaac Vanmalsawma an kawl sa bawk.