Midfielder lei ka duh - Van Gaal

Manchester United manager Louis van Gaal-a'n nipui transfer inhawn hunah midfielder lak luh ngei an tum thu a sawi.

Dutch manager hian midfield-ah English forward Wayne Rooney a hmang ṭhin a, hei vang hian sawisel a hlawh hle. Van Gaal chuan, "Position tinah player ṭha neih vek kan duh a, midfield-ah pawh neih ngei kan duh. Midfield-ah (Adnan) Januzaj leh (Angel) Di Maria te hi player fing tak an ni a, forward-ah (Radamel) Falcao leh (Robin) van Persie te an fing bawk. Player fing tak pali hi ṭha zawka kan hman theih a ṭul a ni," tiin ball sem thei player an mamawh thu a sawi.

Rooney chungchang sawi zuiin Van Gaal chuan, "A hlim ngei ka ring, lawm lo se chuan ka bulah a rawn kal tur a ni. Kan inel em em a, ka duh ang a khelh chhuah a tum ṭhin. Amaherawhchu khawvel pumpuiin striker tur a ni an tih tlat chuan mihring ve tho a ni a, a rilru chu a buai phah ve ngei ang," tiin a sawi.

United captain hian season tirah forward angin bul a ṭan a, match 14-ah goal riat a khung a. Manchester United history-a goal khung tam ber pathumna an ni. A goal hnuhnung ber hi Boxing Day-a Newcastle United lama a khung kha a ni a, hetah hian striker position-ah a khel a, midfielder ang a chhawr a nih hnuah goal a la khung lo.

Rooney-a'n goal khung lo a, a hun tawn rei ber chu December 2005 leh February 2006 inkar kha niin match 12 chhungin goal vawi khatmah a khung lo.

All-time Premier League top scorers

Alan Shearer (Blackburn, Newcastle) 260

Andy Cole (Newcastle, Man Utd,

Blackburn, Fulham, Man City, Portsmouth) 187

Wayne Rooney (Everton, Man Utd) 181

Frank Lampard (West Ham, Chelsea,

Manchester City) 176

Thierry Henry (Arsenal) 175